شیعرعەبدولا سلیمان مەشخەلنووسەران

دەماغسز

دەماغسز

شیعر: عەبدوڵا سڵێمان (مەشخەڵ)

 

قەڵەمەکەی ماشێنە
تێیکە دۆلار و دینار
خەڵکی هەژار چی لێ دێ
فیل جەهەنم وەلنار

عەقڵ و هۆشی سڕ کردووە
مۆنیکا و دەفتەر و عەرد
گوێی خۆی لێخەواندووە
لە ژینی پڕ بەڵا و دەرد

جارجاریش بۆ فریودان
بۆڵەیەکی دێ لێوە
دڵی حیزب ڕادەگرێ و
خۆیشی بۆیان بەپێوە

لە ناڵ دەدا و لە بزمار
دەسوتێنێ وشک و تەڕ
دەماغسز گەر بۆی بلوێ
بەرز دەکا ئاڵای شەڕ

وشەکانی بۆگەنن
پڕ لە هێلج و پیسی
بۆ خەڵکی ستەمدیدە
فریوکار پڕ مەترسی

ڕیسوا بێ نووسەری وا
خەسیوی عەرد و پارە
لەکاتێکدا دەزانێ
خەڵک خۆزگەی بە پارە

 

ئەیلوولی ٢٠١٥

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Check Also

Close
Close