سلیمان قاسمیانیشیعرنووسەران

ئەگەر بێت و ئێمە نەبین!

ئەگەر بێت و ئێمە نەبین!soly199

شیعر: سلیمان قاسمیانی

 

ئێمە نەبین نە دارێ دەچێتە سەر بەرد

نە نانێک دەچێتە تەنوور

نە ئاو دەگاتە بەرماڵێک

نە شەقام پڕ دەبێ لە نوور

ئێمە نەبین نە جەستە پۆشاکی هەیە

نە بینایەک سەر هەڵدێنێ

نە مەکینە کار دەکات و

نە مەزرایەک دەجریوێنێ

 

ئێمە نەبین تالارەکانتان بێ فەڕن

دەخنکێن لە گەند و گوودا

نە فڕۆکەیەک هەڵدەستێ

نە راکنڕۆڵ دێ بە دوودا

ئێمە نەبین نە کەوشێک دەچێتە پێتان

نە رێگە و بان دڵنەوازە

نە مەکتەب پەرتووکی دەبێ

نە نەخۆشخانەیەک سازە

 

ئێمە نەبین خۆشەویستی پارەو پووڵە

مرۆڤ رەنجوور نایەکسانە

شادی ونیعمەت بە تاڵانچوو

بەشی نەدار دەرد و ژانە

ئێمەی هێزی کار، خوڵقێنەر

ئێمەی بێبەشی داهێنەر

دەبێ دەوری بەراوەژوو

وەرچەرخێنینەوە یەکسەر!

وەڵامێک بنووسە

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *

ئەم ماڵپەڕە لە ئەکیسمێت بۆ کەمکردنەوەی هەرزە واڵە و سپام سوود دەگڕێ. فێربە چۆن زانیاری بۆچونەکانت ڕێکدەخرێت.

Check Also
Close
Back to top button