تازەترین بابەتعەبدولا سلیمان مەشخەلنووسەران

سەبارەت بە یادی پەنجا ساڵەی یەکێتی نووسەرانی کورد

سەبارەت بە یادی پەنجا ساڵەی یەکێتی نووسەرانی کورد

عەبدوڵا سڵێمان(مەشخەڵ)

پەنجا ساڵە یەکێتیی نووسەرانی کورد لە کوردستانی عێراق دامەزراوە.لەو نیو سەدەیە چەندین نەوە لە ئەدیبان و نووسەران هاتنە مەیدانی نووسین. بەڵام لەو چەندین نەوەیە چەند دانەیان لەسەنگەری هەژاران و کرێکارانی کوردستان تا سەر مانەوە؟ چەند دانەیان تا سەر داکۆکیکەری کڕێکاران و زەحمەتکێشانی کوردستان بوون؟ ئەی ئەو یەکێتیی نووسەرانە چەند دژایەتی نووسەرانی رادیکاڵ و مارکسیستیان کرد؟ مێژووی ئەو یەکێتییە، مێژووی بەرگریکردن بووە لە کوردایەتی و سەنگەرگرتن بووە لە ڕادیکاڵیزم و ئەدەبیاتی سۆشیالیستیی.مێژووی ئەو یەکێتییە پاشکۆیەتی بزووتنەوە سیاسییەکەی کوردایەتی بووە. بە ئێستاشەوە کە ئەو یەکێتییە بچووکترین خەربەخۆیی نییە و چاو لەدەستی حیزبە کوردییەکانن. بۆ نووسەری کرێکاریی و مارکسیستیی ئەو مێژووە جێی ڕەخنەی بێڕەحمانەیە و تەنانەت جێی ڕیسواکردنیشە نەک ستایش و پیاهەڵدان و فووپیاکردن. ئەو یەکێتییە ئێستاش گوێ لەمستی دەسەڵاتی کوردییە و بچووکترین هەڵوێستی نییە لەسەر ڕووداوە سیاسییەکان. بەهەوای حیزب و دەسەڵاتی کۆنەپەرستی کورد هەڵدەپەڕێ. ئەو یەکێتییە ڕێکخراوێکی ئەدەبیی ناسیونال-بۆرژوای کوردە و جەوهەرەکەی کۆنەپەرسیانەیە.

کەنەدا
٩-٢-٢٠٢٠

وەڵامێک بنووسە

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *

ئەم ماڵپەڕە لە ئەکیسمێت بۆ کەمکردنەوەی هەرزە واڵە و سپام سوود دەگڕێ. فێربە چۆن زانیاری بۆچونەکانت ڕێکدەخرێت.

Check Also
Close
Back to top button